13 Қаңтар, 15:37 285 0 Қоғам Анар ЛЕПЕСОВА

Өткен жылы елімізде 320 мың тұрғын үй сату мәмілесі жасалған

2019 жылғы қаңтар-желтоқсанда 320 012 тұрғын үйді сатып алу, сату мәмілесі жасалған. Бұл туралы ҚР ҰЭМ Статистика комитеті хабарлады. 

2019 жылғы желтоқсанда 27 743 тұрғын үйді сатып алу-сату мәмілесі тіркеліп, қараша айымен салыстырғанда 6,9 пайызға артты. Бұл ретте Алматы (1 153), Түркістан (659) және Шығыс Қазақстан облыстарында (594) жеке тұрғын үйлердің сауда-саттығы жоғары болды. Ал көппәтерлі үйлердегі ең көп баспана саудасы Алматы (4 991), Нұр-Сұлтан қалалары (3 255) мен Қарағанды (2 504) облысында тіркелді.

Жалпы, 2019 жылғы қаңтар-желтоқсанда тұрғын үйді сатып алу-сату мәмілелерінің саны 2018 жылғы тиісті кезеңмен салыстырғанда 21 пайызға өсті.

 

Соңғы жаңалықтар