"Қайраттан" кеткен ұлттық құрама ойыншысы "Қайсар" сапына қосылды

"Қайраттан" кеткен ұлттық құрама ойыншысы "Қайсар" сапына қосылды

"Қайраттан" кеткен ұлттық құрама ойыншысы "Қайсар" сапына қосылды
ашық дереккөзі
Қазақстандық белгілі футболшы Елдос Ахметов биыл Қызылорданың «Қайсар» командасының намысын қорғайды. Бұл туралы клубтың баспасөз қызметі хабарлады.  Елдос Ахметов 1990 жылдың 1 маусымында Тараз қаласында дүниеге келген. Үлкен футболдағы алғашқы қадамын 2007 жылы туған қаласындағы «Жамбыл» командасында бастаған. Одан кейінгі жылдарда Тараздың ОСШИОСД, «Тараз», Павлодардың «Ертіс», елорданың «Астана», Алматының «Қайрат» клубтарында өткізген. 2012 жылдан бері Қазақстан ұлттық құрамасында ел намысын қорғап келеді. «Қайсар» командасы былтыр Қазақстан кубогына ие болды. Биыл Еуропа лигасына қатысады. Қазіргі таңда Түркияда оқу-жаттығу жиынын өткізіп жүрген қызылордалық клубтың сынағына өз елімізден Бағдат Қайыров, Қуаныш Қалмұратов, Ресейден Алексей Шумских, Украинадан Ризван Аблитаров, Мозамбиктен Режиналдо Файфе, Португалиядан Нани, Кабо-Верде елінен Элвин Фортес келді. «Қайсардың» алғашқы оқу-жаттығу жиыны 3-27 ақпан аралығында өткізіледі. Дайындық барысында екі жолдастық кездесу өткізу жоспарланған.