«Тұрақтыдан» – «Позитивтіге»: Fitch Ratings қазақстандық қаржы ұйымының рейтингін көтерді

«Тұрақтыдан» – «Позитивтіге»: Fitch Ratings қазақстандық қаржы ұйымының рейтингін көтерді

«Тұрақтыдан» – «Позитивтіге»: Fitch Ratings қазақстандық қаржы ұйымының рейтингін көтерді
ашық дереккөзі
3 желтоқсан күні Fitch Ratings ForteBank-тің халықаралық болжамды рейтингін «Тұрақтыдан» «Позитивтіге» көтеру туралы шешім қабылдады және қаржы ұйымының эмитентінің ұзақ мерзімді дефолт рейтингін (ВР) «В» деңгейінде тұрғандығын растады. Fitch сарапшыларының пікірінше, ForteBank соңғы бірнеше жыл ішінде тұрақты және негізді табыстарға қол жеткізген (ROAA және ROAE - 2019 жылдың 9 айында 2,3 %-дан 20 %-ға дейін). «Бұл – біздің ойымызша тұрақты көрсеткіш. Forte активтері сапасы төмен тәуекелге ие. Қаржыландыру мен өтімділік сапасы рейтингтің салыстырмалы есептеулерінде жоғары рөл ойнады», дейді олар. «Fitch-тің ForteBank болжамды рейтингісін жақсартуы бізге және тұтынушыларымыз үшін маңызды оқиға болды. Бұл банктің тұрақтылығы мен сенімділігін тағы да растай түсті. Біз клиенттеріміздің банкке деген жоғары сенімділігін айғақтайтын жағымды қаржылық көрсеткіштерді жалғастыра беретін боламыз», дейді ForteBank Басқарма Төрағасы Гурам Андроникашвили аталған жаңалыққа байланысты сөзінде. Еске сала кетейік, бұған дейін Moody's Investors Service («Moody's») халықаралық рейтинг агенттігі ForteBank депозиттері бойынша ұзақ мерзімді рейтингті B3-тен B1-ге дейін көтерген (бір уақытта екі сатыға) болатын, болжам «Тұрақты» еді. Ал S&P Global Ratings рейтинг агенттігі ForteBank рейтингін «В» деңгейінен «B +» - ке көтерді, болжам – «Тұрақты». 2019 жылы ForteBank негізгі қаржылық көрсеткіштердің сапалы өсуін былай көрсетеді: Жыл басынан бергі активтердің өсімі 15,8 % (+280,7 млрд. теңге), бұл банкке елдегі ең ірі 3 банктің қатарына кіруге мүмкіндік берді; Банктің несие портфелінің + 5 %-ға (+32,6 млрд. теңге) ұлғаюы; Банктің депозиттік портфелінің + 7,5 %-ға (+83,3 млрд. теңге) б ұлғаюы; 2018 жылдың сәйкес кезеңімен салыстырғанда 2019 жылдың 9 айында банктің комиссиялық кірісінің өсуі + 49,9 %-ды (+ 5,2 млрд. теңге)  құрады; 2018 жылдың 9 айымен салыстырғанда, 2019 жылдың 9 айындағы жұмыс нәтижелері бойынша таза пайда 46,5 %-ға өсті. Банк нарықта меншікті капитал жеткіліктілігінің ең жоғары коэффициенттерінің бірін иеленуді жалғастыруда – 17,4 % (K2) - (ҚҰБ деректері) Өтімділік коэффициенті де жоғары деңгейде, 156 %-ды құрайды.