Арыстық балалардың денесіне белгісіз жара қаптады

Арыстық балалардың денесіне белгісіз жара қаптады

Арыстық балалардың денесіне белгісіз жара қаптады
ашық дереккөзі

"Арыстағы жойқын жарылыстан кейінгі қорқыныш сейілмей жатып, балаларымыздың денесіне жара шыға бастады" деп дабыл қаққан аналар кеше жергілікті әкімдік маңына жиналды. Олардың айтуынша, алдымен жарылыс, кейін полигондағы жалғасып жатқан оқ - дәріні залалсыздандыру жұмыстары, барлығы қосылып Арыстың ауасын әбден ластаған. Бұл туралы 31 арна хабарлады. 

«Өмірімде басыма жара шықпаған. Енді жара шықты. Қандай жара екенін дәрігерлер де түсінбейді», - дейді тұрғындардың бірі. Арыстық аналар балаларының денесінде қаптаған жараларға алаңдайтынын айтады. Дәрігерлердің ем-домынан кейін де толық жазылмай отыр дейді олар. Олардың өзінше, балалардың басы, мойны, денесі мен аяғында жара шыққан. «Арысқа келгеннен кейін бес балама жара шығып ауырды. Тері аурханасына 5 рет бардық. Бір-біріне жұға берді. Тіпті, бір айлық бөпеме де жұқты», - дейді бес баланың анасы Айнаш Әлиасқарова. Сондай-ақ, аналар балаларының іші ауыратынын айтып шағымданатынын жеткізді. Тіпті, дәрісіз жазылмайтын жағдайға жетті деген тұрғындар «дәріні бере-бере иммунитетін құртамыз ба» деп алаңдайды. Ал дәрігерлер динамика қалыпты, өсім жоқ екенін жеткізді. «Бұл, халықтың тілімен айтқанда, су жара деп аталады. Ата-бабаларымыз оны қауын жара дейтін. Қазіргі уақытта сондай жара шығып жатыр. Қазір басылды», - дейді Арыс қалалық ауруханасының бөлім меңгерушісі Ғаппар Төлебаев. Сонымен қатар дәрігерлер іш ауруы бойынша да өсім жоқ екенін айтады. Олар аурухананың толы болуын жеміс-жидекті күз маусымымен байланыстырды. Көбіне жеміс-жидекті жумай жей салатын адамдардың салғырттығынан, дейді.