Алматылық Данэлия Тулешова «Голос. Дiти» байқауында жеңіске жетті

Алматылық Данэлия Тулешова «Голос. Дiти» байқауында жеңіске жетті

Алматылық Данэлия Тулешова  «Голос. Дiти» байқауында жеңіске жетті
ашық дереккөзі
Қазақстандық 10 жасар әнші Данэлия Тулешова Украинада өткен «Голос. Дiти» телевизиялық байқауында жеңімпаз атанды.  Данэлия Тулешова Украинаның «Голос. Дiти» конкурсының финалына шыққан болатын. Әнші  байқаудың финалында «Не твоя война» атты композицияны орындап, көпшілікті тәнті етіп, «Голос. Діти» шоуының төртінші маусымының жеңімпазы болды. Баспасөз хатшысының сөзіне қарағанда, Данэлия финал мен суперфиналда жалпы 5 әуен орындаған. Сондай-ақ ол «Елдің бала дауысы» атағын иеленді және оған Disneyland Paris-де саяхатауға жолдама берілді. «Голос» - ол менің бала арманым. Адамдар менің әнімді тыңдаған кезде, көпшілігі маған хат жаза бастады. Сенім білдіргендеріңізге рахмет», - деп қуанышын бөлісті әнші. Жас әншінің Youtube арқылы тараған видеосын 1 млн-нан астам адам көріп үлгерген еді. Данэлия шетелдік өнер сахнасына бірінші рет шығып отырған жоқ. 2015 жылы «Аялаған Астана» халықаралық байқауында - жеңімпаз, «Жаңа толқын» байқауында көрермен көзайымы жүлдесін алған.