18 Қазан, 14:18 329 0 Жаңалықтар Асыл ТҰМАР

Орманшы мәртебесін көтеру мәселесі қаралып жатыр – министр

Сурет ғаламтордан алынды
Сурет ғаламтордан алынды

ҚР Экология, геология және табиғи ресурстар министрі Мағзұм Мырзағалиев орман шаруашылығы қызметкерлерін кәсіби мерекесімен құттықтады. Жыл сайын қазан айының үшінші жексенбісінде атап өтілетін күн биыл 18 қазанға тура келіп отыр.

«Қиындығы мен сан-түрлі тәуекелдеріне қарамастан, еліміздің орман қорын сақтап, жаңғырту табанды еңбек етіп келе жатқан азаматтар қандай құрметке де лайық. Себебі орман кешені – экологиялық қауіпсіздіктің кепілі», – деп жазды ол Twitter парақшасында.

Министр қазір орманшылар мәртебесін көтеру мәселесі қаралып жатқанын айтты.

«Орманшылар – баға жетпес ұлттық байлығымызды қорғап, келер ұрпаққа жеткізушілер. Олардың зор еңбегін ескере отырып, біздің министрлік орманшылар статусын көтеру мәселесін қарастырып жатыр. Жасыл табиғатты аялау – әрқайсымыздың міндетіміз. Сондықтан барлық ел азаматтарын орман қорына ұқыпты қарап, оны қорғаушыларға қолдау көрсетуге, жұмыстарын бағалауға шақырамын», – деді Мағзұм Мырзағалиев.

Еске салайық, орман шаруашылығы қызметкерлерінің кәсіби мерекесі 2017 жылы ҚР Үкіметі қаулысымен бекітілген.

Соңғы жаңалықтар