1 Шілде, 12:35 549 0 Жаһан Анар ЛЕПЕСОВА

Ресей қазақстандықтарды тіркеуден босатты

Ресейде қазақстандықтар қыркүйек айының ортасына дейін тіркеуден босатылды. Бұл туралы Ресей Федерациясындағы Қазақстан Елшілігі хабарлады. 

"Президент Владимир Путин "Жаңа коронавирустық инфекцияның (COVID-19) одан әрі таралу қауіпіне байланысты Ресей Федерациясындағы шетел азаматтары мен азаматтығы жоқ тұлғалардың құқықтық жағдайын реттеу жөніндегі уақытша шаралар туралы" өзінің 2020 жылғы 18 сәуірдегі №274 жарлығына өзгерістер енгізді.

Жарлыққа сәйкес, 2020 жылдың 15 наурызы мен 15 қыркүйегі аралығында тіркеу немесе Ресейде уақытша болуға рұқсат мерзімі аяқталатын Қазақстан азаматтары міндетті түрде есепке қойылмай, елде еркін жүре алады. Осы уақытта оларға қатысты айыппұл санкциялары мен депортация алынып тасталды", - делінген хабарламада.

Алайда, 15 қыркүйектен кейін Ресейде қалғысы келетін Қазақстан азаматтары елде тұруды заңдастыру бойынша қажетті рәсімдерден өтуі тиіс.

Соңғы жаңалықтар